لمن قال وش بها رفحا من الزين ..؟

[القاروص]

لمن قال وش بها رفحا من الزين
رفحا مثل النحلة

النحلة من يراها يقول هذه حشرة اوذبابة ولكن اذا عرفها هي التي تنتج العسل وذكرت بالقران الكريم.

رفحا من يراها يقول مدينة صغيرة ونائية بل محرومة من معظم الخدمات ولكنها تنتج الرجال الافاضل والكرماء والصحفيين والاطباء وقد وجدت دكتورا بدرجة دكتوراه بجراحة الانف والحنجرة باحدى المستشفيات الكبرى وأجراء لي عملية .
ويكفيها ميزة انه مايوجد فيها احد من القراونة اكالة الطيرة.

[فـروان]

يعطيك العافية على الكلام الحلو الجميل المختصر

[المفترس]

يعطيك الف عافيه يالقاروص والحقيقه ان جميع مواضيعك هادفه وواضحه لكن عينت الي يبي الحقيقه والصراحه في هذا الزمن؟؟؟؟

[الجنتل]

رفحاء تعتبر جنة الله في أرضه بعيون كل رفحاوي

وأنا أولهم

[ذيب سلمى]

الف شكر يا القاروص على مواضيعك الطيبه التي حظيت بها محافظة رفحاء

[ابن الملز]

رفحاء تعتبر جنة الله في أرضه بعيون كل رفحاوي

وأنا معكم

[رفحاوي]

يالقاروص ما فهمت وش تبي بالضبط !!!

عموما على قولة سعود ناوي

"يسعد مساء رفحاء ويسعد صباحه"

صراحة رفحاء ما هي مثل اول ...

كثر الفساد والدشير ...

اول الرجال الكبير له احترام بين الشباب ...

هالحين ليته يسلم ...

اشياء كثيرة تغيرت برفحاء بعد ما جاء مخيم اللاجئين ...

ماقول الا عسى الله يصلح الحال...

[المفترس]

وأزيدك من الشعر بيت يالقاروص رفحاء خرجت طيارين وحتى هذه اللحظه وهم على مقود الطائره ومنهم الكابتن (الصرح) من سكان التابلاين سابقا حتى راكب معه برحله من الرياض الى رفحاء بنفس الكبينه؟؟؟
هذا لمن قال رفحاء وش فيها من الزين؟؟؟؟؟؟

[القاروص]

يا الرفحاوي: ماذا طلبته انا على شان تقول: مافهمت وش تبي:
انا لم اطلب شئا. اما حكاية الدشير فهم في كل مكان وزمان ولا يقتصر على اهل رفحا وحدهم

[رفحاوي]

يا الرفحاوي: ماذا طلبته انا على شان تقول: مافهمت وش تبي:
انا لم اطلب شئا. اما حكاية الدشير فهم في كل مكان وزمان ولا يقتصر على اهل رفحا وحدهم
توقعت ان لك هدف من هالموضوع ...

فسألتك وش تبي ؟! (أي ما هو هدفك ؟!!)

[عايد]

مساء الخير للجميع
رفحاء ما بها شي لا جوزات ولا مستشفيات ولا دكاترة مثل المدن الاخري اكثر ربوعنا يذهبون لعرعر وحفرالباطن والرياض يخلصون اشغالهم ومراجعة المستشفيات وفيها بنكين الاهلي والراجحي من عشر بنوك بالمملكة