رأي زين لعمامي المشرفين ، قولوا تم يا الربع .

[البدوي]

من دوجتي وسنسعتي بها المنتديات والشبّات الله يجيركم

شفت لي شي طيب بالحيل ، وهو إن بعض هالمنتديات تستقبل كل فترة واحد من المسئولين ، وتطرح ( من المطارحة) عليه أسئلة أهل المنتدى، وهو يجاوب عليهن، ومخصصين لها الشيء قسم خاص،

وهذا به فائدة للمسئول ( بدل ما يحش به بظهره تعرض عليه الأسئلة والشكاوي أشوى ) وفائدة للديرة، وفائدة للمنتدى وأهل المنتدى .

والا وش رأيكم يا الاخوان ؟؟؟

[حماد الرويان]

راي حكيم ورائع وممتاز

وهذا الذي ندور عليه


والف شكر لك يااخوي بدوي


ويعطيك الله العافية والصحة

[رفحاوي]

هكذا انت يالبدوي تزداد بريقا ولمعانا ... هذا الراي الزين واوافقك الراي يعطيك الف عافية اخوي البدوي .

للمعلومية تم طرح موضوع قريب من هالموضوع ان لم يكن شقيقه ... وقد طرحه الاخ الرائع / حماد الرويان وهذا الرابط :
http://www.rafha.com/vb/showthread.php?s=&threadid=3195

[Google]

رأي جميل



وليت لو يوافق عنه صاحب القرار ...........................

[كتوم]

ممطاز

[الأسلمي]

الله يعطيك العافيه اخوي البدوي
راي طيب
ونحن كنا نتناقش حول هذا الموضوع
ووقع الاختيار على بعض المسؤلين
لكن المشكله في الوقت بسبب ان اكثرهم في اجازه

احييك على هذا الاقتراح ومشكووووووووووووووووووور

[ثقافي]

فكرة وثابة ،، صدرت من شخص ثاقب النظر ،،،


يعطيك العافية ،،،،،،،،

[الأصيله]

راي سديد

ومشكور اخوي بدوي

[الدب الداشر]

مشكور حجي بدوي وأنا اول شخصيه بارزه رايحه تنذر نفسها لهذا الطلب

يالله أسألوني يالله I-I-I-

[الدكتور/ قنّاص]

بسم الله الرحمن الرحيم

حقيقةً أنت رائع يالبدوي واقتراحاتك أروع ،

خاص إلى رفحاوي والدب الصالح إنشاء الله اللي هو الداشر كما يقول:
كلما قرأت ردودكم علي أو على واحد من الكتاب أضحك كثير بل لاتصدقون أن ردودكم تشغلني وأنا بعيد عن الجهاز لما في كلامكم من الطرافة واللي يضحك أكثر صورة الدب الداشر كما يدّعي .
كذلك لا أنسى هرطمان هو ولطمته .
ربما نسيت البعض فالمعذرة .

[رفحاوي]

خاص الى اخوي الغالي / قناص ...

تصدق عاد اني ماعرف انكت ؟!! ( بعض الشباب ، وخاصة الشبيهة بالاسم ، يبون يقولون : ومن قال لك انك تعرف تنكت ههههههههه ) المهم كل ما سمعت نكتة وجيت ابي اقوله احوسه وتنقلب من نكتة لسالفة مملة واخرته محد يضحك واتخانق معهم ...

بس الحمد لله من فضل اللي علي فضله اتمتع بخفة دم كتابية واسلوب رشيق وكثرة احبابي واعزائي واكاد اقول باني اكثر واحد محبوب هنا وبكل مكان ..

داري ان ضغط بعض الناس وصل للسماء بس انصحهم يكثرون من الدبشي .

[Google]

رفحاوي خفة الدم موهبة ..............


يعني اللي ما هو بموهوب اغسل يدك منه .................لأنه كل ما قام يستخف دمه

ما ينفع به لأن دمه ووزنه ثقيل ÷÷÷÷÷ ههههههه ........

[رفحاوي]

شكرا اخوي / قوقل وانت من الاوائل المعجبين بخفة دمي ...

ترى ما صرت محبوب بسهولة ... بالعكس تعبت واجتهدت وسهرت الليالي الملاح حتى صرت من القلاقل ( ليست من عايلة قوقل رغم انهم شيون ) الذين يشار لهم البيان ..

تحياتي لك ولجميع المعجبين هههههههههههههه .

[ثقافي]

السلام عليكم


يا اخوان ألا تلاحظون أن البدوي اختفى ،،،،،،،،،، وين راح ؟؟؟؟؟؟


عسى أن يكون المانع خيراً ،،،،،،،


رفحاوي :



وش ذا العلم ؟



الله يستر عليك .......




طبعك متغير ،،،،،،،،،،،،،، ليه ؟

[ابو شنب]

ايا ياملا الغنيمه والله

انت كلك بركه وش ماقلت قلنا لك تم

مار لو اني مسئول وش ابي بوجع الراس وهالاسماء المستعاره كل ينتلن من طرف

خذها من هالشنب ماحد موافق
وان وافق احد منهم ابي اهلس هالشنب هلس

[البدوي]

أنا آسف يا الربع على تأخري بالرد ،

والله ما هو مهونة لكم ياجماعة

لكن تخبرون عندي بعض الشقيلات اللي اشقلنن هاليومين.

ونبدأ الرد وأبي السموحة منكم لأني أبي أمقط كل اثنين منكم مع بعض.

أخوي حماد الرويان

الله يعطيك العافية على تكرمك بالتعليق.

أخوي رفحاوي

وانت بعد تزداد لمعاناً كل مرة تقل دلة توه مربوبة ( :ng )

أما كون موضوعي هو شقيق موضوع أخوي أبو فيصل،

لا أنا ما أظن انه شقيقه لكن هو

أخوه من الرضاعة، تخبر كلهم رضعوا خزنة مرة صنيتان جار ولد خالتي مزنة.

لكن أفا يالغالي أفا والله ، كيف تظن إني آخذ أفكار اخوي وأنشره بإسمي، والله ياخيي ولا يهون الإخوان ( قولوا لا تهون ) يالو شوف واحد من الأخوان نشر موضوع وأنا أكتب بنفس الموضوع إنه عملة تكصم الوجه.

ويكفيك رد أبو فيصل الله يوفقه .

[فواز]

الاخ العزيز / البدوي

شكراً لك على الأقتراح الجميل ...

وهو بصراحة تفعيل لدور ( منتديات رفحاء ) في نفع المدينة ... واهلها ..


وللمعلومية :

قبل فترة قابلت أحد مشرفينا الكرام ... وأخبرني أنهم يسعون جاهدين في هذا الموضوع ...

فقط أحببت أن اخبرك أخي ( البدوي ) أن إدارة المنتدى تفكر وتخطط وتسعى للرقي بالمنتدى واهله .. وتحاول أن تنفع مدينتنا الغالية ..

فلنساندها ولنقف معها ...


أخيراً .. أكرر شكري لك على هذا الاقتراح ..

تحياتي لك

[هرطمان]

فكره حلوه يالبدوي والله يعطيك العافيه


ابو شنب حسب معرفتي المتواضعه عندهم مشرف
ان حط راسه بالسالفه
يا كود يطير شنبك

[البدوي]

أخوي الكريم الدختور قوقل


شكراً على مرورك على هالموضوع بسيارتك الحلوة ، يا أحلى الدخاترة

أخوي كتوم

وانت أمطز يالممطاز

مشرفنا الفاضل الأسلمي

الله يرفع قدرك ويجزاك خير يالبناخي ، وعز الله انك ونستنا

ويوم قلت تم ما يهم الوقت اللي ما يجي اليوم يجي باكر

بس أهم شئ ما تحولون الماضوع للجنة تدرسه وتنام عليه

[البدوي]

الأصيلة + الدب الداشر + الدختور قناص

والله كل واحد منكم لكن أبي أجمعكم برد واحد ، الله يرد النار عن وجيهكم وأقول شكراً على هالمرة .

رفحاوي + دختور قوقل

تقل طلعتوبنا شارع فرعي ، على العموم شكراً

[ابو شنب]

هرطمان

واللي يسلمك مايطير هاشنب يالو تطير عمامتك ولطمتك
ولا هو قصور بالمشرفين فلاكن منهو اللي يبي يوافق المسئولين والله ياغير تطلع عيونه محاجرها مثل عيونك

البدوي متى يجي دوري:o

[ابن الوطن]

البدوي كلامك رائع ومنطقي


واطلب من اخواني


مشرفين هذا المنتدى تثبت هذا الموضوع فورا الانه يستاهل التثبيت


وتنزيل المواضيع المثبته الانها صارة بايته وقديمه

[البدوي]

ثقافي الله يثقفنا واياه

يا خيي ياريت انت تقرأ قصص العجيز العنقريزية اللي يسمونه ( أجاثا كريستي )

أبو شنب ( أرخو اللحى وحفوا الشوارب )

لا والله يا عل هالشنب ما ينهلس إلا برغبتك ، أما المسعول فأنا أشوف انه أحسن له ، بدل ما نشرشحه ونسدح به يمين يسار ، مير يجي ويواجه العاصفة، وعمامي المشرفين ما يعطونه إلا الأسئلة النافعة البعيدة عن التهم والسب .

هاه نسيت أقولك أشوى جاء دورك .

فواز

الله يحييك يالغالي ويرفع قدرك، شرفتنا وكلام طيب من رجال طيب