الحذر من الفوالين وخاصة في رفحاء

[البرّاق]

البارح عقب صلاة العشاء طقت براسي واشتهيت لي صحن فول مع راس بصل على كوب شاهي خادر
ادري انها مسكت غلط وخاصة راس البصل :p بس الشكوى لله الشهوه صارت تقل وحم :shy
المهم رحت لاحد الفوالين قلت بالله صحن فول وادبسه لي زيت زيتون تراي اشوفك حبة فول يازول :^
الحاصل قمت اكل من الفول وعليه الزيت بس استغربت الزيت ماله طعم مثل اللي خابره حبيت اتأكد من الزول قلت له وشو زيتك هذا قال زيت زيتون !!
قلت مستحيل هذا ما له طعم ابد (طبعاً الزيت اللي يحطه على الفول معبيه ببريك اصفر )
حشرته وقلت هات البريق ابي اتأكد ورفض بعدها اعترف لي قال هذا زيت قلي Iz-)

وأتسبدي تسبداه وشو قال زيت قلي قلت الله يقلى راسك بنار جهنم يالمروح وليه تغشني قال ما غشيتك ياخي اصلوا الناس بيرغبوه وماشي زي الحلاوه :think:
حسبي الله عليه فكك هالمسكه

هنا قلت لنفسي انت وش موديك للبوفيات وخاصة هالفوالين اللي شغلهم كله مرطسه

..
الزبده من هالموضوع هو تحذير لكل واحد يروح للفوالين يتأكد من الزيت اللي يحطه له وما يكون ببريق ولا تستبعدون بكرى تلقاهم حاطين لكم زيت دركسون !!
..

ربكم عوظني خير عن هالفول
جاني اتصال الساعه 10 البارح عزيمه على طريق الرادار فخاريه سمك يحبها قلبكم نستني لوعة التسبد اللي صارت .

[ابومحمدالزوبعي]

هههههههههه الحمد لله على السلامه ياخي وش موديك تالي هاليول تبي فول !!! المهم انا عرفت المطعم ومره ثانيه ماني ماره لو يذبحن الجوع ...

يعطيك العافيه أخي البرّاق والله السبب من هالبلديه الي مايفتشوف على هالمطاعم ....

[تربوي]

الله يعين من بعض المحلات وأساليبها في غش الناس ..

الله لا يبلانا ..

والحمدلله على سلامتكـــ..

["الفيصل"]

اجل رحنا وطي بس لايكون زيت بريكات ..

[عز الخوي]

هههههههههههههههه
حلوة

[الدب الداشر]

يا سلام عليك أشوفك حاط بتوقيعك كلام آرسطو .. اثااريه من الفوول .. :) أعترف بأي سرية أنت .. :)

المهم .. عندي زيت زيتون بالبيت أصلي جايبه من مزرعة راعيه .. بالأردن .. وانا اجيب لأهلي فطورات ولا عمري قلت للعمال يحطون زيت زيتون .. إذا أنا مشتهي أنا أحط .. شيء مضموووووووون .. خل الزول وزيت العافية بعد ما يخففه .. :)

مشكور حجي

[ابو متعب]

الحمد لله على السلامة البراق

ولا تعوودهـ البوفيات ترا مهي بزينة

ذكرتني ببيت شعر طبعا" لا ينطبق على حالتكـ :

ان كان همكـ بالزمن بس لقمتك **** الفول بريالين والخبز بريال

أحذر اشد الحذر اخي البراق من المطاعم بصفة عامة

وبالنسبة لزيت الزيتون كله مضرووب حتى اللي يجي من الشام

[سعود الشمري]

لاحول ولاقوة الا بالله

اين الرقابة ؟؟


المفروض انك مبلغ الصحة


والحمدلله على سلامتك

[الشمري عبدالملك]

من امن العقووووبه اساء الادب >>> وتلاعب بالزيت .

المفروض اللي زي هذا تشويه وتستخلص زيته وتشحم به زلاجات ابواب المحلات .:p:p

بس تدري .... بارك الله بمحل الفول اللي خلانا نستمتع بعذوبة قلمك .;)

تحياتي لك ولمازج الزيت ( الزول ) ..

[شمرية رفحاء]

الله يجزاك الجنه على التنبيه.

[V.I.P]

شكرآ على التنــبيه

بس ياخي ليش ما تقـول اسم المحـل وتخلي النـاس تبـتعد عنـه

طبـعآ أنا عرفت المحل من خلال كلام الزول ومن الإبريق الأصـفر

لكن ولله الحمد قليل أروح لم فوال الخرطوم

أحـسن شيء الأفـغانية اللي بالزاوية بجنب سوبرماركت المنديل

عليك بأبو جلـباخ واترك هـالزول وزيـته



الحمدلله على سـلامتك

[شمـــاليه]

الله يصلحك عقب صلاة العشاء فول ؟؟

عليك بالعافيه وشكرا ع التنبيه لاهنت

[البرّاق]

هههههههههه الحمد لله على السلامه ياخي وش موديك تالي هاليول تبي فول !!! المهم انا عرفت المطعم ومره ثانيه ماني ماره لو يذبحن الجوع ...

يعطيك العافيه أخي البرّاق والله السبب من هالبلديه الي مايفتشوف على هالمطاعم ....
الله يسلمك يالغالي
ياعنك ان بعض المسكات مالها سنع ههههههه هذا اللي وداني يمه .
قسم الصحه بالبلديه يبيله غربله حتى يتسنع ويدقق على المخالفين


الله يعين من بعض المحلات وأساليبها في غش الناس ..

الله لا يبلانا ..

والحمدلله على سلامتكـــ..
الله يسلمك

اجل رحنا وطي بس لايكون زيت بريكات ..
ياشفت نفسك قام لها نحيط اعرف انك مغشوش بزيت بريك هههه

[البرّاق]

هههههههههههههههه
حلوة


يا سلام عليك أشوفك حاط بتوقيعك كلام آرسطو .. اثااريه من الفوول .. :) أعترف بأي سرية أنت .. :)

المهم .. عندي زيت زيتون بالبيت أصلي جايبه من مزرعة راعيه .. بالأردن .. وانا اجيب لأهلي فطورات ولا عمري قلت للعمال يحطون زيت زيتون .. إذا أنا مشتهي أنا أحط .. شيء مضموووووووون .. خل الزول وزيت العافية بعد ما يخففه .. :)

مشكور حجي
هههههههه
لاتدقق يالدب
تصدق عاد يمدحون فول الحرس ويقولون انه ما صار بقول لخوي لي يجيب لي صحين بدون زيت :p
واذا طلبت الفول محلي يالدب تعال نقل زيتك معاك ههههه .
بنا مرض مطاعم وبوفيات ما يعالجه الا انك تسمم من حديهم .
بالله ابي لي شوين من هالزيت اللي عندك ابي ادهن به تسبدي ياتسبدي انت ;)

الحمد لله على السلامة البراق

ولا تعوودهـ البوفيات ترا مهي بزينة

ذكرتني ببيت شعر طبعا" لا ينطبق على حالتكـ :

ان كان همكـ بالزمن بس لقمتك **** الفول بريالين والخبز بريال

أحذر اشد الحذر اخي البراق من المطاعم بصفة عامة

وبالنسبة لزيت الزيتون كله مضرووب حتى اللي يجي من الشام

طيب وان مسكت معاك على فول والا فلافل .... وش تسوي ؟؟؟

مثل ما قلت للدب والله ما ينكلنا عن البوفيات الا التسمم ... الله يستر علينا وعليكم منه

[البرّاق]

لاحول ولاقوة الا بالله

اين الرقابة ؟؟


المفروض انك مبلغ الصحة


والحمدلله على سلامتك

الرقابه بالبلديه
واليوم ناوي اعلم واحد من العيال بالبلديه غديه يحوفهم
والله يسلمك يالغالي


من امن العقووووبه اساء الادب >>> وتلاعب بالزيت .

المفروض اللي زي هذا تشويه وتستخلص زيته وتشحم به زلاجات ابواب المحلات .:p:p

بس تدري .... بارك الله بمحل الفول اللي خلانا نستمتع بعذوبة قلمك .;)

تحياتي لك ولمازج الزيت ( الزول ) ..
هذا اللي صاير ياالغلا
مافيه رادع لهم والناس غافله بس قوة بلع ولهم دارين وش يزغدون :-/
والله لو اني نازي تسان بفرن الافغاني اللي بجنب حامسه ومزيت به عربيات العثيم ههههه
مايبيله نار قويه لانه نص استواء :lol
تحياتي

الله يجزاك الجنه على التنبيه.
حياك الله

[البرّاق]

شكرآ على التنــبيه

بس ياخي ليش ما تقـول اسم المحـل وتخلي النـاس تبـتعد عنـه

طبـعآ أنا عرفت المحل من خلال كلام الزول ومن الإبريق الأصـفر

لكن ولله الحمد قليل أروح لم فوال الخرطوم

أحـسن شيء الأفـغانية اللي بالزاوية بجنب سوبرماركت المنديل

عليك بأبو جلـباخ واترك هـالزول وزيـته



الحمدلله على سـلامتك
ماعندي مشكله اقول اسم المحل مو بس هو اكثر من محل بعد اولها شعبيات الخرطوم وفوال النخيل هذا اللي شفتهم بعيني وسألتهم واعترفوا انه زيت قلي
ولا تقولي والله كلهم مثل بعضهم جلباخ والا عوصمان هههههه

الله يصلحك عقب صلاة العشاء فول ؟؟

عليك بالعافيه وشكرا ع التنبيه لاهنت

ويصلح قلبك غصب والله غصب
http://www.youtube.com/watch?v=L29m1Ez6SDI