@ مشاهدات يومية .. غض الطرف إنك من نميرٍ @

[النابغة الطائي]

السلام عليكم ورحمة الله وبركاته

أخشى أن نكون جميعنا من نمير ..

مثل ماقال الشاعر الأموي جرير لشخص ما ..

فغض الطرف إنك من نمير فلا كعب بلغت ولا كلاباً ..

أقول ..

أخشى أن نكون كلنا نغض الطرف بدون هذا البيت ..

بل ..

من باب مالنا دخل ..

وترك القرعى ترعي ..

وبلا منكر وبلا معروووف .. الهيئة والشرطه أبخص ..

وأبعد عن الشر وغنييله..

فنشاهد يومياً .. هذه الأمور ..

أنا وأنت والثاني والثالث .. وننكر فقط بقلوبنا ..

هذا إذا أنكر القلب ..

أصلاً هي صارت عادي ..

تعودنا عليها .. من كثر مانشوفها ..

---

1- نشاهد طفل عمره 11 سنة يدخن .. ولا حس ولاخبر ..

اللي نقدر نسويه .. نصد عنه ..

أصلاً أبوه مضيعه .. يارجال لو أتكلم على الولد ..

كان أطلق الولد لسانه شبرين .. وش يفكنا منه ..

2- بنت تلحق لها شاب تعاكسه ..

وأتحداك تكلمها أو تلتفت يمها ..

ياويلك ..

الكعب على رأسك .. والله يستر ..

الصراخ إلى آخر السوق ..

3- شاب بالعشرينات .. بيده قارووورة كولا ..

وفجأة ..

رماها بالشارع العام .. وأنكسرت ..

أصلاً هذا ما درس حديث ..

إماطة الأذى عن الطريق صدقه ..

وعلى طول أكيد تلبس النظارة السوداء ..

تأكيداً له إنك ماشفته ..

ألعب غيرها ..

4- شباب بالمسجد يلعبون والناس تصلي ..

وأنت جاي ومتأخر .. أكثر شيء تبي تقوله ..

أطلعوا برا .. ألعبوا .. خلونا نصلي ..

يارجال .. الله يستر ..

أقل شيء .. شلووتي ..

خلك ساكت وصل لربك ..

5- واحد بسيارته عند الإشارة .. واقف بحنبك ..

ورافع صوت الأغاني ..

فقط ترفع النافذه .. وكأنك لم تسمع شيء ..

وتقدم السياره شوي ..

وكأنك تقول له ترى هذا فعلك ما يعجبني ..

تكفى ياداري عنك ..

والكثير ..

بس عاد تدرون .. وش اللي نسويه .. ونحاول نرشد الناس فيه ..

واحد سيارته مبنشرة ولا الباب مفتوح .. وطاااير ..

وأنت وراه طاااير وتأشر له ..

ترى الباب مفتوح .. أو الكفر مبنشر ..

ماقصرت .. جزاااك الله ألف خير ..

حبيبي والله .. خااايف عليه يموت ..

..

وصبراً كلها سنوات ..

إذا ماغيرنا وضعنا ..

فالله عز وجل يقول ..

(إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ وَمَا لَهُمْ مِنْ دُونِهِ مِنْ وَالٍ)

فسيصبح المنكر أعظم وأطم ..

والله يحفظنا ويهدينا ..

[الزعيم]

الله يعطيك العافية يا النابغة الطائي


كلام جميل .....

واهـلاً بـك أخاً عزيزاً

[ليث]

حيااك نابغة المنتدى

لك الشكر على ابداااااعك وبلاااا حدود

[ابو فراس الحمد]

تدرون وش نحتاج ؟
نحتاج ثقافة الحوار المفقودة ؟ مع انفسنا اولا ؟ مع اهلنا ؟ مع جيراننا بالحي ؟ مع من يقابلنا بالطريق ؟
اهم شي ان نعي قول الشافعي
تعمدني بنصحك بانفرادي فان النصح بين الناس نوعا من التوبيخ لا ارضى استماعه
هذا لنصيحة الموجه لشخص بعينه ، اما النصيحة العامه فشي اخر ( ما بال اقواما يقولون كذا وكذا )
والله المهم الاخلاص بالنصيحة فلا تنصح من اجل اهداف دنيا ( فليست النائحة الثكلى ... كنائحه المستأجرة ) دع كلمات تخرج وملؤها الحب والاشفاق والحرص على مصلحة المنصوح ( لا اسئلكم اجرا ان اجري الا على الله )
اول السيل قطرة ....

[شامي الدهيمان]

جزاك الله خير كلام صحيح نسئل الله العفو والعافية

[همّام]

كثر المساس يبلد الإحســاس
أشياء كنا نستنكرها ثم أصبحنا نتجرعها على مضض
ثم استسغناها
وكأن السفينه إن غرقت فلسنا من ركابها

شكرا لك أخي وحياك الله بيننا