اهداء وترحيب بالامير بدر بن طلال ال رشيد

[ابوجمال المنيس]

[align=center]الاهداء للامير بدر بن طلال بن محمد بن طلال ال رشيد اطال الله عمره
وقد تشرفت بالفاءها بديوان حسن المحيسن الشمري بالصليبخات / الكويت[/align]

[poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="double,4,blue" type=1 line=0 align=center use=ex num="0,black"]
هلا عدد ما لبوا الناس بالحرم = واعداد من مر الحطيم وزار
واعداد ما رش المطر وجهة الوطا = واعداد ما هل الهلال ودار
واصبح بدر يوضي لنا ضلمة الدجا = عمت على كل البلاد انوار
بقدوم بدر ابن محمد للابته = وقفت اهلي والعلوم اكبار
بابن طلال الضيغمي ابن نايف = ابن طلال الفارس المغوار
ابن رشيد اللي له المجد والفخر = من دور عبدالله حماة الدار
تسلسلوا بالمجد والطيب والفخر = وزادوا على فعل اليمين وقار
بدابها سبع السباع ابو متعب = عبدالله الاول عزيز الجار
شيخٍ بنى بالمجد ما يبعث الفخر = من راس اجا حتى وصل سنجار
وبني بسيفه دولة ضيغميه = وازداد تسجيل الفخار فخار
وبنى على مجد قديمٍ للابته = على الجدار اللي قديم إجدار
اثنى عشر عامٍ وهو حامل اللوا = واعطاه زيزوم الجموع إجهار
طلال ابو بندر له المجد والثنى = زقيحان بان بعمية الابصار
ومشى بدرب العز مع درب والده = تسعة عشر عامٍ وهي خضار
من عدل حمكة ماامحلة يوم ديرته = الخير عم والبدوا والتجار
ووعقبه تسلمها عضيدة وساعده = متعب ثقيل الروز عز الجار
اربع سنين بدولة العز والفخر = مثل إعمير الاول وعرار
وعقبه حكم بندر مثل حكم والده = شمر تباشر به بكل ديار
ثلاثة اسنين بكرسي المجد مرتكي = ومعروف منتوج الحرار احرار
حتى حكم عمه محمد وعمنا = الخير زاد و زادت الزوار
محمد المهاد مهّد لدولته = وسّع حدوده واتعب الشعار
تمدح ولا تقدر تعدد فعأيله = من كل يم وواصله زوار
عشرين عام وفوقهن سبع كملن = بالعز نال اعلى شرف وشعار
حتى وصل دور اشجع الناس بالوغى = سمي جنازه وارخص الاعمار
عبدالعزيز الضيغمي متعب النضا = فرز الوغى بالمعضله صبار
تسعة اسنين مطوع الهجن للسرى = من الحرب دايم والهجن ضمّار
وعقبه حكم متعب على الخير والهدى = سنه ولكن دارت الاق دار
حتى وصل زيزم غلبا وقادها =على الركاب ٍالكنس الحرار
سعود ابو مشعل على درب والده = دربٍ مشاه ابوه مثله سار
اثنى عشر عام وهو يدحر العدا = واركى على كبد الخصيم اجمار
وعقبه وصل من يدحرالقوم باللقا = يا ثار من بين الجموع إغبار
عبدالله المتعب على اللين والقسى = عامين ما اغمد سيفه البتار
وعقبه وصل عنوان مبدى قصيدتي = محمد الثاني عدم وسطار
ابن طلال الضيغمي مرهق العدا = ابو بدر يا غابت الاقمار
يقولها العوني وابا ارجع واقولها = يرخص بعمره فدوة للدار
وكد قال لولاهم فلا يوجد الوفا = ولا للحميه بالبلد مدار
عكاش والسمرا وياطب تقولها = من عقب ابو مشعل يشب النار
وبالختم انا باقول صلوا النبي = صلوا على المختار ياحضار
بعد انتهى التاريخ نبدى بما حضر =حنا بخير اقولها بجهار
الحمد لله عزنا في بلادنا = وحكامنا ساس الوفا والكار
اخوان مريم ملتجى كل ملتجي = عون الضعيف اليا زمان جار
وبالمملكه فخرالعرب مزبن العرب = اخوان نوره صفوة الاخيار
اخوان نوره عزنا ساس فخرنا = هم عزنا يا عمست الاشوار
خدام بيت الله و حكام شعبنا = هم عز دين الله والاحرار
وكل الخليج بساعة الضيق تتفق = على العدو ياخان جار بجار
وبالختم ابا اكرر واثني تحيتي = على بدر نثني سلامٍ حار
حييت من باريس حتى وصلتنا = بدرٍ قدومه يبعث الانوار
صادف قدومك عودت الغيث والحيا = الحمد لله كثر الامطار
حتى السما هلا و رحب بطلتطك = يومين والماطر يعم الدار
والعذر يا شيخ الطنايا وراسها = عن كل زلّه نعلن استغفار
واقبل سلامي واعتذاري عن الخطا = والشعر يبقى سلعة الشعار[/poem]

[align=center]عقيل سعود المنيس الشمري 25/12/2005[/align]

[جرواني]

[align=center]
عبدالعزيز الضيغمي متعـب النضـا
.......فـرز الوغـى بالمعضلـه صـبـار
تسعة اسنين مطوع الهجن للسـرى
.......من الحرب دايـم والهجـن ضمّـار

صح لسانك ابو جمال
[/align]

[رعد الشمال]

صح لسانك اخوي ابو جمال

[ابوجمال المنيس]

الاخ العزي جرواني
صح بدنك والف شكر على الرد على المشاركه اتمنى ان اسجل ما يرتقي لمستوى ذوقكم الرفيع .
تقبل شكري وامتناني ابو جمال

[ابوجمال المنيس]

الاخ العزيز رعد الشمال
صح بدنك والف شكر على الرد على المشاركه
تقبل شكري وامتناني . ابو جمال

[العزام]

ابو جمال..............
الله يعزك يا شيخ ,,عزالله جزله و وافيه

لاهنت اخوووووي وصح لسانك

[الدب الداشر]

صح لساانك

شعر جزل برجالٍ جزل من شاعرٍ جزل



صح لساانك مليوون

[ابوجمال المنيس]

الاخ العزيز العزام
شكرا لمرورك الكريم وصح بدنك والقصيدة المباركه التي ترتقي لمستوى ذوقكم الراقي .
اخوك ابو جمال المنيس

[ابوجمال المنيس]

الاخ العزيز الدب الداشر
صح بدنك وشكرا لمرورك الكريم واجزل ما بالقصيدة انها بشخص جزل ويرد عليها شخص جزل مثلك وشرواك .
اخوك ابو جمال المنيس

[البندق]

[align=center]يعطيك العافيه[/align]

[ابوجمال المنيس]

اخي البندق
الله يعافيك