هو فيهـ غير الهموم }.. "يحس بـ/غيــآبي؟!!

[الشرقاااوي]

يا مشعل الياس صار اقرب من اهدابـي
و اشوفه احيان واقف لي على بابي


و الله لو ان الهموم اصحاب يا مشعل
كان اكثر اصحاب بالدنيا هم .. اصحابي


من زود صدمات عمري صرت ما أشرهـْ
اضيق .. و ارضى .. و لحد ٍ يسمع عتابي


يا مشعل الناس تنسى .. و الالــم يـوفي
والطيب جمر ٍ ضويته و احرق اعصابي


ماني ضعيف اشتكي من هيــّـن الضيقه
عز الله اني صبـور و ربي .. ادرا بي


الصبر بيــر ٍ رواني .. لين يبــّـسـته
يا كم ّ اجي له و انوّخ عنده إركابي

يا مشعل ان مــت ّ ..؟ غيري مات .. لكنـّـي ..
اخاف محد ٍ يحس ّ إن مت ّ .. بغيابي


و انا .. و رب الأنـــا ماقصــّـر بفزعـه
و ان زلــّـوا اصحاب ..!! .. قلت : اصحابي اصحابي

و ان ماظهر خير منـّـي .. ما ظهر شرّي
و اتعب و لاقول للعالم .. وش اتعابي


من صغري الصمت .. يطربني .. و اغنـّـي به
ألعب مع اني نسيت اصلا ً .. وش ألعابي

كبرت وشفت الهموم تزيد .. مع كبري
و عرفت .. سر الحزن .. بعيون شيــّـابي


يا مشعل ان مــت ّ و الا صابني صايب
ابيك تاقف .. و تجمع حولك احبابي


اسألهم ان كنت ماستاهل .. محبتهم
او اني قد خنت هقوة .. من تهقوا بي

و اتعرف ليه ان لفيتك .. ساكت و سارح
اني مجــرّد .. هموم ٍ .. تلبس ثيابي



حتى القصيد ان بديته .. قمت اهيجن به
و اليا انتهيت .. اشطبه .. و اكذّب اعجابي


و اقول ما للقصيد الا يذكــّـرني ..
.. بالهم ّ .. و الهمّ خله داخل كتابي



يا مشعل الوقت .. طفل ٍ يكسر الخاطر
خلــّـك على ضحكته .. أقسى من أعرابـي


يا مشعل ان مت ّ .. شف كم .. ( هم ّ ) فاقدني
هو فيه غير .. الهمـووم .. يحس ّ بغيــابي ..!!!؟؟







الشاعر:/ محمد بن غنام الشمري

[سهرانه]

[align=center]
سلمت يداك الشرقاوي

قصيده حيزنه وياس حييييل
[/align]

[تربوي]

قصيدة رائعة

شكرا ع النقل

[الشرقاااوي]

سهرانه تربوي تك


مشكورين على التواجد الله لايهينكم

[الجامح77]

الصبر بيــر ٍ رواني .. لين يبــّـسـته
يا كم ّ اجي له و انوّخ عنده إركابي

.................................................. ................
الشرقاوي سلمت يداك وصح لسان الشاعر

قصيدة جزلة

.................................................. ...............

تحياتي

الجامح